ثورة مصر ثورة شباب
كل ما بشوف واحد عجوز بيطلع فى التليفزيون ويقول علىنا ان نخطط للمستقبل الجديد وان وضع البلد فى الفتره المقبله يتطلب مش عارف ايه وعلى الشباب ظبط النف....
بس يا عم الحج اهدى شويه
انت عمرك كام؟؟؟؟؟
50 55 60؟؟؟
من فضلك اهدى شويه
انت لو حطيت خطه العالم التنمويه لتقدم الدول فى حوض البحر المتوسط والخطه دى بقدرة قادر زحفت على اوربا والهند فى نفس ذات الوقت مش عاوزينها
انت كلها خمس او عشر سنين ومودع
سيبونا بقى نشوف طريقنا بنفسنا
كفايه ضحكتو العالم علينا
وخلتونا اسخف نكته (بلد الاهرامات كلها تخلف)
ومتنساش يا عمو انك كنت شاب فى بدايه حكم مبارك
وانك معملتش حاجه
والتزمت الصمت مع الصامتين
فمتجيش ننط على قفانا وتقول ثوره شباب
قفانا مش ناقص
انت تقعد فى بيتك كدا زى الشاطر تشرب شايك بلبنك
وتشغل روتانا سينما
لكن تحكى فى بلد ومستقبل
هتلاقى كلام يزعلك زى ده
اما بقى لو انت ثورجى قديم وبتحكى زمان على الفساد ومش قادر
قول على الشباب انهم يعملو على الشباب
لكن علينا والكلام اللى يوجع القلب ده
بلاش الله يخليك
فى شباب زيى وزى عيالك دمها بيتحرق والله
وابوس ايد اى مذيع واى صحفى لما تحكى عن الشباب هات شباب
ولما تحكى عن ربيع وخريف العمر هات عواجيز
واحترم الراجل اللى قال لكل مقام مقال
وفى النهايه انا والله مش عاوزكم تزعلو منى بس انتو بتحرقو دمى
لما تخططو والخطط دى لمستقبلنا احنا
الثوره دى ثوره شباب
ادو بقى الشباب فرصه
وشوفو هما قد المسئوليه ولا لا
ولو مش قدها
سيبوهم برضو يجربو ما انتو ضيعتوها ومحدش كلمهم
ولا هى مكانه مصر جت عندنا ووقفت
روحو نامو ربنا يصلح حالكم وحال الاعلام
ليست هناك تعليقات:
إرسال تعليق