فى مصر ولاول مره نجد الكل يتحدث
كبارا وصغارا متعلم وأمى مهتم وغير مهتم عن الجدث الجلل الذى تعيشه مصر
وهو انتخابات الرئاسة
وهل حقا ما يدور ببالنا انه بعد ايام سيكون لنا رئيس جديد غير الذى اعتدنا عليه؟
وهل حقا ستعود للمصرى كرامته الذى فقدها النظام البائد؟
ويبقى السؤال الذى طالما سمعناه هذه الايام
بين الاصدقاء وفى وسائل المواصلات والاماكن العامه
هتنتخب مين؟؟؟؟
قبل ان اتحدث عن هذا الموضوع لابد وان اشكر كل من سمح لى بالتحدث بحرية
والشكر كل الشكر لمن ضحو بحياتهم واعينهم واعضائهم لكى نعيش ونترشح وننتخب
الشكر للشهداء
الشكر للثوار فى كل ميادين مصر
الشكر لمن ساهم وأيد الثورة
بالنسبة لى لم اقرر بعد وان كنت انوى لان لا انتخب لظروف احتفظ بها لنفسى
ولكن ادعو الجميع للمشاركة حتى يعطو فرصه لمن يستحق ويضييعو الفرصه على من لا يستحق
وفى الحقيقه بعيدا عن الانتخابات والمرشحين
فلقد اسعدنى الجو الانتخابى وتأييد الاصدقاء لمرشح واخرين لاخر
جو ممتع تشعر انك فى وطن ديموقراطى
نعووود للسؤال المعتاد هتنتخب مين؟؟؟
فلنتفق جميعا على ان الانتخابات الرئاسية يدور صراعها بين خمسه افراد وما تبقى من مرشحين ما هم الا اضافات وحظهم الاعلامى ضعيف هذه المره
والصراح الواضح بين
عمرو موسى - احمد شفيق - محمد مرسى - حمدين صباحى -عبد المنعم ابو الفتوح
ووجهتى الشخصيه (التى تقبل الصواب والخطأ) تجاه من يرشحهم كالاتى :
عمرو موسى يرشحه فلول النظام السابق ومن لهم مصالح شخصية بالاضافه الى بعض البسطاء فى القرى وصعيد مصر لانهم يرون انه الرجل السياسى الاوحد وبالعربى
(اللى نعرفه احسن من اللى منعرفوش)
احمد شفيق يدعمه الراسماليين واصحاب الشركات لانهم يرون فيه الرجل العملى المخلص من الروتين
محمد مرسى يدعمه الاخوان المسلمين الا بعض الشباب المعتدلين بالاضافه الى من ينتخب الاسلامى ليس الا خوفا من ان تكون مصر دوله علمانيه و فى الاغلب لا يعلم معنى علمانيه
حمدين صباحى يدعمه الحزب الناصرى وشباب مثقفين وعمال والوسط الفنى باكمله و90 بالمئه تقريبا من الوسط الاعلامى هذا بالاضافه الى عدد من الفلاحين من يرون انه مرجع لثورة عبد الناصر
عبد المنعم ابو الفتوح ويدعمه الشباب المعتدل من الاخوان وشباب التيار السلفى والمثقفين من شباب الجامعات لانه كما يرون اسلامى مثقف معتدل
هذا بالنسبه للمرشحين ومن يدعمهم
اما بالنسبة للسؤال هتنتخب مين؟؟
عزيزى القارىء ادعوك لتكون انت صاحب القرار
وثق تماما فى قرارك حتى تشعر انك حقا مشارك وانك ساهمت فى اعلاء كلمه وطن
وكيان جديد لمصر والمصريين
وادعوك للبحث والقراءه عن تاريخ كل مرشح وتصريحاته وتوجهاته السياسيه
ولا مانع ان تستشير بعض المهتمين بالامر السياسى
ولكن القرار الاخير يبقى لك انت وحدك
ولأساعدك فى الاختيار سوف اعرض لك وجهه نظرى تجاه المرشحين السابقين
عمرو موسى
لا اتخيل ولا اتصور شخص يحلم بوطن جديد وتحدى ورفاهيه كما يقولون وينتخب هذا الشخص
لانك تبنى وطن جديد ولا مكان للنظام السابق فى هذا الوطن الجديد
فان كنت ترشح عمرو موسى فلم طالبت بإسقاط النظام؟
وان لم تطالب بإسقاطه فكلامى لا يوجه اليك
ولكن قمة التناقض ان تدعى النضال وتنتخب عمرو موسى
تريد انتخاب عمرو موسى لمصالح شخصيه لك مطلق الحريه
ولكن ليس من حقك ان تحلم بالتغيير
احمد شفيق
لن اتحدث عن ما قيل عنه بشأن مصر للطيران وفشله فى رئاسة الوزرا لايام
وفى الحقيقه لم تتاح له الفرصه فى ظهوره فى رئاسة الوزرا
ولكن يبقى المنطق ليتكلم عن سبب اختيار شفيق لرئاسة الوزرا
بعدما تدهورت البلاد فى عهد عاطف عبيد وجاء احمد نظيف فى 2004
حلمنا بالتغيير ووضع افضل للمواطن المصرى
لتدهور وتدهور ويزداد الامر سوء
الى ان يشاء الله وتأتى الثوره
فلا يعقل ان مبارك فى احداث الثوره قد اتاب واناب وعاد لرشده ليعين امير المؤمنين احمد شفيق
مبارك وضع احمد شفيق ليتدارك ازمة
وبالتأكيد لا يختلف عن سابقيه
عزيزى القارىء الفاسد لا يثق الا بفاسد مثله
ولك الحريه فى ان تأمر علينا فاسدا
محمد مرسى
فى الحقيقه لم افكر فى النظر الى سيرته الذاتيه ولو للحظات
ولو فكرت لكان الاولى ان انظر الى سيرة الاخوان المسلمين
لانه ترشح من قبل الاخوان المسلمين ولو انه خالفهم لعزلوه
وكان من الممكن ان افكر فى الدكتور محمد مرسى لو انه قد ترشح للمنصب بإرادته الخاصه
ولكنه ترشح بناء على طلب الجماعه
وها نحن نحلم برئيس جديد ذو فكر مستقل واعى
ولا نحلم ابدا بتابع يدار فيدير ويبقى الشعب هو الضحية
ولو انه استقل عن الجماعه بعد ترشحه
فأين الولاء للجماعه الاخوان المسلمين؟
وان لم يكن ولائك لمن رشحك
فيكف نأمنك على وطننا؟؟؟
حمدين صباحى
سياسى محنك ذو فكر رشيد
همه الشاغل المواطن المطحون
له توجهاته السياسيه الواضحه
عارض النظام فى جبروته
ويكفى ان يحمل فى برنامجه
الافكار الناصريه
عبد المنعم ابو الفتوح
سياسى مثقف يحلم بوطن جديد يديره الشباب بعد ثوره الشباب
موقفه الواضح مع السادات يجعلنا نعلم ان ذلك لا يحوى بين ضلوعه قلبا ضعيفا
يقدر ويحترم الجميع
كان ينتمى للجماعه الاسلاميه
الجماعه الاسلاميه بفكرها الواعى الرشيد
الخالى من التشويه الاعلامى الذى رايناه فى اعلام مبارك
الفكر الاسلامى الغير مشوش من قبل الجهلاء الذين انضمو للجماعه الاسلاميه وعكرو نقائها
ويكفى ان الشباب المثقف الواعى يختار ابو الفتوح
الشباب الذى نادى بالثوره واعطانا انفاسا مختلفه تدعى حريه
الشباب المثقف يرى ان ابو الفتوح استكمال الثوره
لانه عارض وعورض وثابر لاعلاء كلمه الحق
وليبقى الحق هو ختامنا
الآن جاء دورك لكى تختار ويبقى السؤال
هتنتخب مين؟؟؟
وصلت اليوم الجمعه 4/4/2012
فى حوالى الثالثة عصرا اتجاه مديرية امن اسيوط
حيث سمعت من احد اصدقائى انه سوف يكون اعتصاما هناك
فى الحقيقه كنت قد قررت عدم الذهاب
ولكن دفعتنى نفسى لاشارك اخوانى ولو بالحضور
وحين وصلت وجدت مجموعه من الضباط وعساكر الامن المركزى وقد تجمهرو لحماية مديرية الامن من المتظاهرين السلميين
نعم اجد استغرابا شديدا من خوفهم على مبنى خرسانى واقصد به مديريه الامن
يعطوه اهتماما شديدا ولا اجد بداخلها سوى بعض المكاتب وقليل من مكيفات الهواء
وحين حللت الامر بمنطقيه لم اجد سوى انهم يطبقون الاوامر
نعم سحقا لهذه الاوامر التى لا تأتى بخير
وتجعل الفرد منهم ما هو الا عبد لمأموره
ويدعى انه باشا وحر
ويتفاخر بما علق على كتفيه من نياشين
وكلما زادت تعنى بأن العبد قد ازداد ولائا لسيده
ولا اجدها الا عار فى مبدأنا مبدأ الاحرار
وقفت اتأمل المشهد من بعيد ولا اجد جديدا فى هذى اليوم
ضباط يجلسون فى الظل يضحكون
عساكر فى الشمس مستعدون
ثوار وسط العناء يهتفون
وقفت برهه ثم جلست افكر فى مستقبل هذا الوطن
وهل حقا التغيير سيلحق بأمتنا ام سيبقى الحال هو الحال دون تغيير
وبينما انا جالس وجدت اطفالا مسرعين نحو النهر
يلحقهم شباب ثم ثوار
فظننت ان العساكر المستعدون استجابو لامر من يضحكون وبدأو الضرب فيمن يهتفون
فقلت بصوت عالى اثبت اثبت
وفجأه وجدت نفسى اجرى تجاههم
وقد سمعت من احدهم يقول ان هناك احدهم يغرق
ذهبت الى النهر ووجدت من يشاهد ومن يلقى بنفسه فى النهر
واشخاصا يتسائلون وبعضهم يضحكون وطفل صغير يبكى
اخى اخى ابحث هنا ........ كان يعوم هنا....... ابحث جيدا
الكل يبحث خلعت حذائى لانزل المياه لابحث معهم
ولكن الحوار استغرق دقائق
وبنظره عامه للنهر اجده مستقرا
ولا اجد سوى من يبحث
ولا ارى من يبحثون عنه
نداء الطفل يعلو
اخى اخى ابحث جيدا
وما دار ببالى يبحث ماذا سيخرج غريقا فلم البحث
جلست لارتدى حذائى ثم ذهبت لأستدعى الضباط
وحقا انه ليكفى من حمايه المبنى الخرسانى احدهم او بعضهم
ولكن يستحيل كلهم
وانا فى طريقى احد اقاربى ينادينى
وانا لا ابالى ذهبت لهم فوجدتهم على حالهم يضحكون
فأشتد غضبى وصحت فيهم بأعلى صوتى
ايوه كدا جدعان
خليكم زى ما انتو
مهو انتو مش واخدين غيره امر واحد
احمو مبنى خرسانى على كام تكييف ومش مهم الناس
تووووووووولع الناس اهم حاجه المكاتب
هذا ما قلته بالنص
فامسك بى ابن خالى وصاح فى وجهى
فوق يا عم من اللى انت فيه ده
انت هتودى نفسك فى داهيه
واوقف فى وقتها سياره اجره وحاسب السائق
وذهبت انا وبقى هو يترقب الاحداث
ضباط يضحكون ثوار يهتفون طفل يبكى ام تتلقى صدمه اب يصرخ
كل هذا يدور ببالى وانا فى الطريق والسائق يسثل عن تفاصيل التفاصيل
ولا استطيع التكلم سوى بالقليل
وحين وصلت لمنزلى طلبت منه العوده مجددا
لاشاركهم احزانهم
رجعت وجدت الحال هو الحال
ولكن حدثت بعض الاضافات
لقد وصل المختصون من مسطحات مائيه
وغواصين وسياره اسعاف ومسعفين
وبعض اسره الطفل الغريق
نعم عجبت لتصرف رجال الشرطه
ما هذا الاهمال وما هذا التسيب؟
وكيف اكون آمنا على اهلى ومالى وانت المسؤل عن الامن
وانت لا تملك امانا ولا ضمانا
وانت تفتقد لكل معنى من معانى الانسانيه
عجبت لمن يدعى انه انسان
ولا يتعاطف لانقاذ طفل انهكت قواه
امتلىء فاه بالمياه
ولا يقدر على المقاومه فيسقط فى القاع
اين قلوبكم ؟
كيف تخالطون اطفالكم وجيرانكم؟
حقا لقد سئمت من منظركم وزيكم وما يعلق بأكتافكم
نعم نعم اتخيل المشهد الآن
ام ترثى ولدها واب مهزوم يحاول تصبيرها
وشرطى يضحك و وسط اطفاله وقد نسى من ترثى وألمها
وانا هنا انعى واضحك واكتب
فلتشهد يا زماااااااااان
ان الانسان قد نسى دم اخوه الانسان
حوار بين جاهل ومثقف
جاهل: وزارة الدفاع وزاره الدفاع
مثقف: يعنى ايه وزارة دفاع؟؟؟
جاهل: يعنى هيبه دولة يعنى خط احمر يعنى لو حد قرب منها يستاهل اللى يجراله
مثقف : انت غلطان وزارة الدفاع حاجه تانيه
جاهل: قولى انت يا ابو العريف تبقى ايه وزارة الدفاع
مثقف : وزراة الدفاع زيها زى اى وزارة
مبنى خرسانى طوب وزلط ورمل فيه شويه مكاتب على كام تكييف
يعنى وزارة الدفاع والخارجيه بالهرم بمصر يغورو فى داهيه ومفيش نقطه دم واحده تنزل من مواطن
ولو بجد فاكر ان كرامه الدوله فى وزارة يبقى انا اسف انى اصرح لك بأنك جاهل
كرامه الدوله هى كرامه المواطن واحترامه زمان كانت البنايات الخرسانية اللى بتحكى عنها كانت فى ازهى عصورها ومجدها ايام المخلوع
وكان لا يوجد كرامه للدوله او المواطن فى الداخل او الخارج
دعنى اذكرك بالماضى
كرامه المواطن داخليا
ذل وطوابير عيش وتعذيب فى الاقسام
خارجيا 1500 جلده للطبيب المصرى
الصيادين المحتجزين فى ليبيا
المنتخب الوطنى اضرب فى الجزاير والسودان
محمد كترمايه بلبنان
الدكتوره مروه الشربينى فى المانيا
صباح الخير يا كرامه
نصيحه
اعلم انك اذا احترمت الدم
انك تعيش ازهى عصور الرفاهيه والتقدم
---------------------------------
الثورجى الصامت
والله انا مش فاهم
قمة فى الغباء والهبل ويدعون انهم ثوار ونشطاء
وزير التضامن الاجتماعى السابق على مصيلحى
وزير الكلب مبارك كان طالع فى كل القنوات قبل الثوره بيقول عندنا فااااائض فى البنزين والسولار وهنرشد الاستخدام علشان نستخدم الفائض ده للتصدير وكان مشروعه كالاتى انه هيخلى اسطوانات البوتوجاز على البطاقات التموينيه
يا حلاوه تشيل انبوبتك على كتف وعيالك على الكتف التانى وتروح تجيب الانبوبه اما بقى لو مش معاك بطاقه تموينيه دى مشكلتك انت يا معلم
اما بقى لو انت مواطن شريف واخدت الانبوبه وخلصت منك
طبعا مش تكيه ابوك هى هتروح تشترى الانبوبه ب45 جنيه
معاك فلوس اشترى ممعكش ماله الجاز اللى هو برضو مفيش
تماااااااااااااااااااااااام ده كان مقدمه شهر شهر اكتوبر 2010
وكان هيطبق فى شهر يناير 2011
لولاش ربنا كرم وعملنا اختراخ اسمه ثوره
هى ولا ثوره ولا بتاع بس القصد
النهارده وعلى غفله كدا بفتح التلفزيون واحنا فى 2012
وقال ايه فتره انتقاليه والمجلس العسكرى بيحكم البلاد
والامن والامان والكلام الفاضى اللى بنسمعه ده
اذ افاجىء ان القانون اتوافق عليه وهيطبق من اول مايو 2012
طيب قولولى ثوره ايه بقى اذا كان النظام السابق ماشى فى كل تحركاته قبل الثوره
واين ما نادينا بيه من عيش وحريه وعداله اجتماعيه؟؟؟
انحن الى الآن نباع ونشترى واصبحنا لاقيمه لنا
فى شهر ديسمبر 2010 نبهت على الموضوع ده
وقلت لازم نفوق يا جماعه لازم نتحرك ده وقتنا النظام بيخنق علينا
ومحدش عبرنى
النهارده 29 ابريل 2012 بقول اوقفو مهزله انابيب البوتوجاز
كارثه هتدمر مصر اوقفو تطلعات الكلب وزير الكلب
لازال حكم مبارك الى الأن ووزرائه ولكن من خلف حجاب
انادى بأعلى صوتى
الشعب يريد اسقاط النظام
الشعب يريد اسقاط النظام
اثناء تواجدى الخميس الماضى بمبنى محافظة اسيوط فى تكريم العداءة الماليزيه سويبه ناصر والبزخ الاعلامى على شهاده مهاتير محمد التى ارسلها الى محافظ اسيوط
لا انكر ان المنصب قد اعجبنى
مكان فخم ومقاعد مريحه جدا وهاله من الفخامه تحيط المكان
والكل ينتظر كلماتى والرد اكيد
(تمام يا فندم - تؤمر معاليك)
نعم اعجبنى ونمت احلم بهذا المنصب وكيف اسعى الى الوصول اليه
ولكن فى صباح اليوم التالى وانا امشى فى الشارع وجدت رجلا يبحث فى القمامه عن طعام
فأسترجعت منظر المحافظة من الداخل ومنظر النيل وال والمقاعد والبوابات
ولم يبقى ببالى سوى
كيف يأكلون وكيف ينامون
الموقف ده كان فى استقبال العدائه الماليزيه سويبه محمد صابر اللى جايه مصر فى مشروع دعم السياحه الامنه فى مصر
والفكره كالاتى
هتعدو اكتر من 1111 كليو متر من اسوان الى بورسعيد
وفى الفيديو ده كنت فى انتظارها وهى على مشارف اسيوط
الموضوع حدث عالمى المفروض ياخد اهتمام بجد
لو فعلا فى حد بيخاف على السياحه وحابب يدعمها
الموضوع لاقى تجاهل رهيب من الاعلام المصرى
واخد اقل من حقه كتير
مع روتين عاوز ضربه بالنار
مركز شباب غيرمؤهل لاى حاجه اصلا
مفهوش حته شويه ميه ساقعين
هتستقبلو فيه واحده بقيمه الست دى
بجد روتين اتمنى يتقتل قريب
http://www.youtube.com/watch?v=KvpRagMhSIM&feature=youtu.be
يالهوى على المهاذل
انا نفسى افهم حمار مين اللى اقنع سعد الصغير يرشح نفسه للرئاسة؟
اكيد الحمار اللى قاله بحبك يا حمار
طيب هى لو جت مع سعد الصغير وبقى رئيس
بدل ما هلاقى البوستر بتاعه والكلام على مين هلاقى الريس الله يعظم مقدارة؟؟
واكيد دينا اللى هتقف ورا سعد الصغير
زى الراجل اللى واقف ورا عمر سليمان
وكل ما يحصل مشاكل فى البلد نستنى الالبوم الجديد مش خطاب الرئيس
ولما الشعب يعتصم نستنى الكليب
وبدل المحلل السياسي هنلاقى ناقد فنى؟
وبدل التاريخ السياسى يبقى تاريخ فنى ؟؟؟
وبدل ما نقابله فى قصر الرئاسه نقابله فى كازينو الليل
وشباب شبرا هيبقو عليه القوم
شوفولكو حته ادارو فيها يا اهل المهندسين والزمالك
