(الشباب لازم يهدو شويه على الحكومه دول خربو البلد حرام عليهم) (الشباب الثوار دول رجاله هما اللى هيجبولنا هقنا) اى عباره من الاتنين انا بجد مش عارف انهو واحده هتعجبك
وانهو واحده تعصبك بس ايا كان احنا الاتنين عاوزين استقرار وعاوزين مصلحه
البلد تبقى احسن وبم ان حريه الراى مكفوله (مثلا) فمن حق كل واحد يقول اللى هو عاوزه وانت من حقك تقبله او ترفضه فتعالو نفكر بس بمنطقيه ايه اللى عملوه الولاد دول (شباب التحرير فى كل ميادين مصر) ونشوف ايه المكاسب السياسيه وايه الخساير اللى عادت على البلد منهم ونشوف لو المكاسب اكبر من الخساير نبقى نشجعهم ونساندهم ولو الخساير اكبر من المكاسب يبقى بعتنالهم رساله يعرفو فيها ان الغالبيه مش متقبله
اللى هما بيعملوه ومن وجهه نظرى المتواضعه ان قمه الرجوله انك تعيد ترتيب افكارك لو اقتنعت بوجهه نظر اخرى شايف انها تخدم دينك وبلدك اول حاجه نبدا بالخساير اللى جابوهالنا بتوع التحرير عدم استقرار انفلات امنى ضربو السياحه دمرو اقتصاد البلد شتتو فكر الراى العام افسدو الحياه السياسيه اسمحولى اعقب على الكلام ده وبعدين ندخل فى المكاسب عدم استقرار مشكله شرطه والشرطه اهى شغاله زى الفل وبيد
من حديد على شباب التحرير ضربو السياحه انا معاكم السياحه اتاثرت وفى بيوت كتير
اتقفلت بس بالنسبه لربح البلد من السياحه احنا مشفناش حاجه منو
خالص بالنسبه للبيوت اللى اتقفلت دى فتره انتقاليه وفيها ضحايا ولكن المفروض القائمين على البلد يشوفو ايه اللى ادى اللى
ضرب السياحه ويعالجو الموضوع ده وعلى فكره مصر شغاله وزى الفل بعيد عن ميدان التحرير بالنسبه لدمرو اقتصاد البلد انت عارف مصر بيدخلها كام فلوس فى الشهر؟ عارف اد ايه بنكسب من قناه السويس؟ عارف اد ايه بنكسب من النايل سات؟ عارف اد ايه بنكسب من شركات المحمول؟ اكيد لا لانه غير معلن يبقى منحكيش فى اقتصاد البلد خالص لان جايز يكون فى حراميه وهما اللى خربو اقتصاد البلد بالنسبه لتشتيت فكره الراى العام والله احنا عندنا وزاره اعلام للأسف مش بتعرض الحقايق وكل
هدفها تلميع الحاكم و وتشويه الثوار وده اللى بيخلينى اتفرج على القنوات خاصه والقنوات الخاصه
كل هدفها الفلوس فدى مشكله اعلام مش مشكله شباب التحرير بالنسبه لافساد الحياه السياسيه احنا محدش فينا فاهم سياسه وكلمات كتير دخلت علينا مكناش نعرفها وبقينا نتكلم فيها من بعد الثوره تكنوقراط فلول دوله مدنيه حكم عسكر انتخابات قوائم وفردى حجات كتير مكناش نعرفها وبقينا نتكلم فيها وانا شايف ان الناس اتثقفت وعرفت حجات كتير خلصنا الخساير وندخل على المكاسب اسقاط نظام مبارك محاكمه مبارك حل مجلسى الشعب والشورى المعينين بالتزوير عرفنا يعنى ايه كلمه لا حكومه من التحرير تعبر عن الشرعيه حكومه الجنزورى ولسه مكملين كل يوم مكاسب طول ما هما قاعدين نيجى نتكلم الشباب بتتظاهر ليه؟ لان المكاسب بتاعتهم عكرها فساد نظام قديم وهما غلطو لما شالو راس نظام انهم مشالوش النظام بالكامل يبقى يمشو؟ ونبقى خسرنا بس دم الشباب ونرجع بقى لايام زمان مش هو لو مفيش شباب تحرير كان زمان حكومه شرف موجوده
ومكنش هيبقى فيه
الجنزورى اللى عاجبكم؟ ومكنش فى محاكمه لمبارك؟ وومكنش فى ثوره اصلا؟ يا جماعه والله احنا كل يوم بنكسب والله كل يوم احنا مكناش نعرف نقول لا فى وش امين شرطه دلوقت بنتحكم فى مستقبل دوله يبقى نساند الشباب دول ومينفعش نقول نصبر للمجلس نصبر ايه غاز لاسرائيل مصرى بيتقتل على الحدود كرامه متهانه رشوه فى كل المصالح الحكوميه اعلام فاشل اقتصاد دوله بيتسرق ناس بتموت من الجوع نصبر على ايه؟؟؟
بص يا برنس عشان معظم الناس مغيبة قولتها وهقولها الجيش حمي الثورة من ايه هو مش مبارك مضربش نار ومعملش حاجة حماها من ايه بقي ؟ ماهو قلكوا قدامنا 6 سن... قصدي 6 شهور وهنظبط الانتخابات لكل واحد بيقول ان المجلس العسكري اخر عمود في الخيمة .. لو انت شايف ان مصر مجرد خيمة يبقي انت تستحق ناس زي المجلس العسكري يحكموك !!
عارف يا احمد انا كنت ماشيه في الشارع تخيل سمعت واحد بيقول واحنا نحاكمهم ليه علي مبارك واعوانه دول حاميين البلد وعندهم خبره خليهم تخيل والله تنحت ههههههههههههه معقول انا حسيت اني في ناس مدمنه علي العبوديه والظلم والاهانه انا يوم ما الناس نزلو قبل حادثة بور سعيد في التحرير وقالوا لازم نرجع الثوره من جديد وناخد حق الشهدا وبقيت بسمع اراء الناس لما كانت بتقولهم بتعملوا ايه هديتو البلد ارجعو لبيوتكم حسيت قلبي بيتكسر دا بدل ما تقفوا جمبهم وتساندوهم حتي لو مش هتنزلوا علي الاقل بالكلمه الطيبه تعملوا فيهم كدا ولما حصلت حادثة بور سعيد الناس ابتدت تفوق وتقول لا لسه ماخدناش حقنا يعني لازم يموت 74 واحد علشان تفوقوا مشكلتنا مش مع الجيش ولكن مع المجلس العسكري هو بؤرة الفساد اللي كان لازم تتشال مع مبارك
بص يا برنس عشان معظم الناس مغيبة قولتها وهقولها
ردحذفالجيش حمي الثورة من ايه هو مش مبارك مضربش نار ومعملش حاجة حماها من ايه بقي ؟ ماهو قلكوا قدامنا 6 سن... قصدي 6 شهور وهنظبط الانتخابات
لكل واحد بيقول ان المجلس العسكري اخر عمود في الخيمة .. لو انت شايف ان مصر مجرد خيمة يبقي انت تستحق ناس زي المجلس العسكري يحكموك !!
هو انت كدا فاكر انى بأيد المجلس العسكرى؟؟؟
حذفلو انت فاكر كدا
اتمنى تقرا الموضوع كويس
عارف يا احمد انا كنت ماشيه في الشارع تخيل سمعت واحد بيقول واحنا نحاكمهم ليه علي مبارك واعوانه دول حاميين البلد وعندهم خبره خليهم تخيل والله تنحت ههههههههههههه معقول انا حسيت اني في ناس مدمنه علي العبوديه والظلم والاهانه انا يوم ما الناس نزلو قبل حادثة بور سعيد في التحرير وقالوا لازم نرجع الثوره من جديد وناخد حق الشهدا وبقيت بسمع اراء الناس لما كانت بتقولهم بتعملوا ايه هديتو البلد ارجعو لبيوتكم حسيت قلبي بيتكسر دا بدل ما تقفوا جمبهم وتساندوهم حتي لو مش هتنزلوا علي الاقل بالكلمه الطيبه تعملوا فيهم كدا ولما حصلت حادثة بور سعيد الناس ابتدت تفوق وتقول لا لسه ماخدناش حقنا يعني لازم يموت 74 واحد علشان تفوقوا مشكلتنا مش مع الجيش ولكن مع المجلس العسكري هو بؤرة الفساد اللي كان لازم تتشال مع مبارك
ردحذف