كلمات دخلت مصر فى الاستعمار الانجليزى وعانينا منه ومات مننا مئات الشباب واستنزفت ثروات مصر بسبب هذه الكلمات القليلة,
كل ما الناس تحكى عن دستور فى حكم العسكر افتكر الكلمه دى
واننا ممكن نفضل عبيد للعسكر اذا سمحنالهم بوضع الدستور
واحد يقولى ماهو الدستور هيتعرض علينا واحنا يا نوافق يا نرفض
اول حاجه انا معنديش خبره فى المسائل دى بس لو نفرض انه هيتعرض على الشعب
انت يا حبيبى معندكش من الحكمة السياسيه والبلاغه انك تقرا وتفهم كل مواد الدستور
وحتى لو انت مثقف غيرك لا ولازم تعترف بأننا دوله عندها جهل سياسى متفشى
هتقولى ده كان زمان 1882
لما انجلترا اتدخلت فى شئون مصر
كان مفيش تعليم ومفيش وعى ومش عارف ايه
هقولك خد دى فى دستور 1971
مادة 77
مدة الرئاسةاربع سنوات ميلادية تبدأ من تاريخ إعلان نتيجة الاستفتاء، ويجوز إعادة انتخاب رئيس الجمهورية لمدد اخرى
وهى اصلا المفروض مدة اخرى بدلا من مدد
يعنى حرف واحد مش كلمات خلانا عبيد للعسكر
واشرب يا شعب
هتقولى ياعم برضو ده كان سبعيناتى وبناطيل شارلستون وجو قديم
احنا دلوقت اتثقفنا بعد الثوره وكلنا بنحكى سياسه
طب يا سيدى ابقى ادخل على الاعلان الدستورى بتاع نعم ولا
وشوف انت قلت نعم على ايه
وهتعرف انك لبست فى حيطه
وسلامى للوعى السياسى
وفى الاخر انا بقول
لا دستور فى حكم العسكم
بص هو انا مش فاكره كنت قريت ان الجيش هيبقي مشرف علي الرئيس الجديد يعني لو المجلس العسكري مش موافق علي حاجه الرئيس الجديد مش هيقدر ينفذها يبقي كدا مالوش لازمه وبردو العسكر هيبقي هو اللي بيحكمنا والمجلس العسكري رفض تغيير اي ماده خاصه بالمجلس العسكري بالدستور فعلا يا احمد والله عندك حق مين دا اللي هيقعد يقرا ويركز في الدستور وزي ما يقولولوا هيروح يصوت
ردحذفلو جه رئيس قوى هيعرف ينتزع كل السلطات من المجلس العسكرى ويعمل دستور جديد ويمنع تصدير الغاز لاسرايل بدون غرامات ويرجع الشركات للقطاع العام وحجات كتير اما بقى لو رئيس ضعيف او توافقى يبقى احنا كدا بنرجع اكتر بكتير من الاول وهنبقى فقدنا الاستقرار المزيف بتاع مبارك
حذف